22. Septembra. 2021. Region

Andrej Plenković: Vulinove izjave su totalno neprimjerene

Predsjednik hrvatske vlade Andrej Plenković izjavio je juče da su izjave srpskog ministra policije Aleksandra Vulina “totalno neprimjerene”.

Plenković je komentisao izjave predsjednika Hrvatske Zorana Milanovića i srbijanskog  ministra unutrašnjih poslova Aleksandra Vulina koji je, kako piše zagrebački N1, kazao da “Zoran Milanović spada u gluplje hrvatske političare”.

“Za razliku od većine aktera na sceni, i hrvatske i srpske, ja sam predsjednik vlade koji namjerno, sistemski, svjesno, s punim uvjerenjem izbjegava takve situacije međusobnog medijskog prepucavanja i nametanja retoričkog konflikta od kojeg možemo da imamo samo štetu. Čvrsto stojim oko takvog stava”, kazao je Plenković, prenosi zagrebački N1.